Գարեջրի, գինու արտադրությունից մինչև պոլիվինիլխլորիդե պրոֆիլների արտադրություն Արարատի մարզում
Այսօր վարչապետ Նիկոլ Փաշինյանը Արարատի մարզում մասնակցել է «Իմ քայլը հանուն Արարատի մարզի» ներդրումային բիզնես ծրագրերի համաժողովին ու տեղական արտադրանքի EXPO ցուցահանդեսին, որին մասնակցում էին նաև փոքր, միջին և խոշոր բիզնեսի ներկայացուցիչներ, ներդրողներ, օտարերկրացի գործարարներ, ֆինանսական կառույցների ներկայացուցիչներ և այլք:
Վարչապետ Փաշինյանը շրջել է ցուցահանդեսով` ծանոթացել ներկայացված արտադրանքին:
EXPO ցուցահանդեսի ժամանակ հայտնի դարձավ, որ Արարատի մարզում գործում են տարատեսակ ոլորտներում արտադրությամբ զբաղվող ընկերություններ:
Գինու, գարեջրի, կոնյակի արտադրություններից մինչև պոլիվինիլխլորիդե պրոֆիլների արտադրություն:
Նշենք, որ Արարատի մարզի Շահումյան համայնքում 2008 թվականից գործող «Արտ Պլաս» ՍՊԸ-ն, որը զբաղվում է պոլիվինիլխլորիդե պրոֆիլների արտադրությամբ` առաջիններից է, որ Հայաստանում սկսել է նման արտադրություն, և առաջինն է, որ մինչև տարեվերջ նախատեսում է պոլիվինիլխլորիդե պրոֆիլների արտահանում դեպի Ռուսաստանի Դաշնություն։
