Ծառուկյանի հարցով «Իմ քայլը» խմբակցությունը դեռևս դիրքորոշում չի հայտնում
Ազգային ժողովի նախագահ Արարատ Միրզոյանի աշխատասենյակում «Իմ քայլը» խմբակցության մի քանի պատգամավորների հետ հանդիպումը քիչ առաջ ավարտվեց, գրում է Aysor am-ը։
Աշխատանքային քննարկումից հետո լրագրողների հետ ճեպազրույցում «Իմ քայլի» պատգամավոր Ռուբեն Ռուբինյանը հայտարարեց, որ քննարկման թեման խմբակցության առաջիկա աշխատանքների հետ կապված հարցերն են։
«Այդ հարցերի հետ միասին քննարկել ենք «Քաղաքացու որոշում» կուսակցության 7 առաջարկությունը։ Առաջիկայում խմբակցության նիստ կկայանա և ըստ այդմ, կգանք եզրակացության», - հայտարարեց Ռուբեն Ռուբինյանը։
Հիշեցնենք՝ «Քաղաքացու որոշում» (ՔՈ) կուսակցությունը դիմել էր դատախազություն և ԱԺ նախագահին հորդորել բարձրացնել նրա պատգամավորական լիազորությունները դադարեցնելու հարցը: Ավելի ուշ «Իմ քայլը» խմբակցության ղեկավար Լիլիթ Մակունցը հայտարարել էր, որ ԱԺ նախագահը այդ հարցով հանդես կգա հայտարարությամբ։
Ռուբինյանն ասաց, որ այսօր ԱԺ նախագահի հայտարարություն չի սպասվում։
