Գետահովիտ համայնքում մեքենա է այրվել
Ապրիլի 29-ին, ժամը 14:57-ին 911 ծառայությանն ահազանգ է ստացվել, որ Տավուշի մարզի Գետահովիտ համայնքում այրվում է ավտոմեքենա:
ԱԻՆ լրատվական ծառայության փոխանցմամբ, դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Հրդեհը մեկուսացվել է ժամը 15:10-ին, մարվել՝ 15:13-ին:
Այրվել են «ՎԱԶ-21014» մակնիշի ավտոմեքենայի (սեփականատեր՝ Վ.Փ.) շարժիչի խցիկը և սրահի առաստաղը՝ մասնակի:
