Երևանում տղամարդը ծեծել է ընկերուհուն. Sputnik Armenia
Ժամեր առաջ «Սուրբ Գրիգոր Լուսավորիչ» բժշկական կենտրոն է տեղափոխվել Երևանում ապրող մի կին: Այս մասին հայտնում է Sputnik Armenia-ն:
Բուժհաստատությունում պարզվել է, որ նրա ձեռքերից մեկը կոտրված է եղել: Կինը բժիշկներից մեկին ասել է, որ ընկել է: Նախնական վարկածով՝ նա ստել է. իրավապահները պարզել են, որ օրեր առաջ ընկերը նրան ծեծել է, ինչի հետևանքով էլ ձեռքը կոտրվել է:
Լրատվամիջոցի տեղեկություններով` ամենայն հավանականությամբ, տնային պայմաններում ապարդյուն բուժում ստանալուց հետո կինը որոշել է դիմել բժիշկների օգնությանը:
