ՏԵՍԱՆՅՈՒԹ. Տեսախցիկները ֆիքսել են Շրի Լանկայում ահաբեկչություն իրականացրած կասկածյալներից մեկին
Sky News հեռուստաընկերությունը հրապարակել է մի տեսագրություն, որում է երևում է Շրի Լանկայում ահաբեկչություն իրականացրած կասկածյալներից մեկը։ Այս մասին հայտնում է ՌԻԱ Նովոստին։
Պայթյունից ընդամենը մի քանի վայրկյան առաջ նկարված կադրերում երևում է, թե ինչպես է սևահեր տղամարդը` մեծ ուսապարկն ուսերին, անցնում փողոցով և մտնում Սուրբ Սեբաստիան եկեղեցի:
Հիշեցնենք, որ ապրիլի 21-ին` Զատկի օրը, Շրի Լանկայի տարբեր հյուրանոցներում ու եկեղեցիներում 8 պայթյուն է որոտացել։ Կառավարությունը տեղի ունեցածը որակել է ծրագրված ահաբեկչություն և կեսգիշերից արտակարգ դրություն մտցրել երկրում։
Հայտնի է, որ տեղի ունեցածի հետևանքով զոհվել է 310 մարդ, վիրավորվել են 480-ը: Այսօր Շրի Լանկայի պաշտպանության նախարարը հայտարարել է, որ այս ահաբեկչությունները Նոր Զելանդիայի եկեղեցիներից մեկում հնչած կրակոցների պատասխանն էին:
