ՏԵՍԱՆՅՈՒԹ. Կրկին պայթյուն Շրի Լանկայում
Շրի Լանկայի մայրաքաղաք Կոլոմբոյում եկեղեցու մոտ կրկին պայթյուն է տեղի ունեցել: Այս մասին հայտնում է Russia Today-ը՝ մանրամասնելով, որ պայթուցիկը եղել է հարևանությամբ կայանած մեքենայում: Այն պայթել է այն ժամանակ, երբ սակրավորները փորձել են վնասազերծել սարքը:
Նշվում է նաև, որ Շրի Լանկայի ոստիկանությունը մայրաքաղաքի Պետահ արվարձանի ավտոբուսի կանգառներից մեկում ռումբի 87 դետոնատոր է հայտնաբերել: Սկզբում իրավապահները 12 դետոնատոր են գտել, սակայն ավելի ուշ հայտնաբերվել է ևս 75-ը: Դրանք թաքցված են եղել աղբի մեջ:
Ոստիկանությունը դեպքի առնչությամբ հետաքննություն է սկսել: Դեռևս պարզ չէ՝ արդյոք հայտնաբերված սարքերը որևէ առնչություն ունեն կիրակնօրյա պայթյունների հետ:
