«Սա մեզ համար նույնպես անակնկալ է, ես կարծում եմ՝ պետք է թողնել նախաքննությունն ընթանա, թափանցիկ բոլորս կտեսնենք: Ինձ համար զարմանալին այն է, որ բոլորը քննադատում են ԱԱԾ պետին, Ֆեյսբուքում այդպիսի քարոզարշավ կա: Զարմանալի է, որովհետև Հայաստանում ԱԱԾ-ն կառավարողը վարչապետն է, այսինքն՝ այնտեղ երկերեսանիության հարց կա, որ սխալ տեղ են ուղղում պահանջները»,-այս մասին այսօր ԱԺ-ում լրագրողների հետ զրույցում ասաց Լուսավոր Հայաստան կուսակցության ղեկավար Էդմոն Մարույքյանը՝ անդրադառնալով Պետական վերահսկողական ծառայության ղեկավար Դավիթ Սանասարյանին առաջադրված մեղադրանքին։ Մարուքյանը նշեց՝ չի ուզում հավատալ, որ որևէ մեկի նկատմամբ քաղաքական հետապնդում կլինի, հնարավոր է փնթիություն լինի, բայց ոչ քաղաքական հետապնդում: «Եթե նման բան լինի, մենք կբարձրաձայնենք»,- ասաց նա: