ԱՀԱԶԱՆԳ․ Մեծ թվով ձկների անկում Հրազդանի կիրճում

Քիչ առաջ Aurora News-ը ահազանգ է ստացել, որ Հրազդանի կիրճում Դավթաշենի կամրջից սկսած մեծ թվով սատկած ձկներ կան։ Պարզելու համար, թե ինչումն է խնդիրը և արդյո՞ք ձկների անկման պատճառը արհեստական որևէ տեսակի ներգործություն է, կապ հաստատեցինք Բնապահպանության և ընդերքի տեսչական մարմնի մամուլի քարտուղար Վրույր Պեպանյանի հետ։ «Տեղյակ ենք, այս պահին խնդիրն ուսումնասիրության փուլում է, մեր աշխատակիցները մոտ 2 ժամ տարածքում են։ Պետք է հասկանանք՝ արհեստական ներգործություն եղե՞լ է, որտեղի՞ց է եղել, թե այլ պատճառ կա»,- մեզ հետ զրույցում նշեց Պեպանյանը։ Ավելի ուշ կրկին կանդրադառնանք խնդրին և կներկայացնենք նոր մանրամասներ։