![ԱՄՆ-ն Հայաստանի և Ադրբեջանի ԱԳ նախարարներին առաջարկել է հանդիպել իրենց մոտ․ Մամեդյարով](https://auroranews.am/storage/img/base_image/old/ef73eb79fc2b5019192d615c863ce2a3.webp)
ԱՄՆ-ն Հայաստանի և Ադրբեջանի ԱԳ նախարարներին առաջարկել է հանդիպել իրենց մոտ․ Մամեդյարով
![ԱՄՆ-ն Հայաստանի և Ադրբեջանի ԱԳ նախարարներին առաջարկել է հանդիպել իրենց մոտ․ Մամեդյարով](https://auroranews.am/storage/img/base_image/old/ef73eb79fc2b5019192d615c863ce2a3.webp)
Միացյալ Նահանգները Հայաստանի և Ադրբեջանի արտգործնախարարներին առաջարկել է ղարաբաղյան հակամարտության կարգավորման հարցով հերթական հանդիպումը Վաշինգտոնում անցկացնել: Այս մասին հայտնում է РИА Новости-ն:
«Ադրբեջանի և Հայաստանի ԱԳՆ ղեկավարների վերջին հանդիպումը կայացել է Մոսկվայում` իմ ռուս գործընկեր Սերգեյ Լավրովի նախաձեռնությամբ։ Ջանքերի կրկնապատկման և եռապատկման դեպքում Ռուսաստանի հետ համատեղ կարելի է հակամարտության կարգավորման առաջխաղացման հույս ունենալ… Երեկ ԱՄՆ-ից հրավեր ենք ստացել այցելել Վաշինգտոն, որտեղ պետքարտուղարը նույնպես սեփական ջանքերը կգործադրի հակամարտության լուծման գործում առաջընթացի հասնելու համար»,- ասել է Մամեդյարովը Վարշավայում տեղի ունեցած ճեպազրույցի ժամանակ։
Հիշեցնենք, որ Հայաստանի և Ադրբեջանի արտգործնախարարներ Զոհրաբ Մնացականյանի և Էլմար Մամեդյարովի վերջին հանդիպումը տեղի էր ունեցել ապրիլի 15-ին` Մոսկվայում՝ ՌԴ արտգործնախարար Սերգեյ Լավրովի, ԵԱՀԿ Մինսկի խմբի համանախագահների մասնակցությամբ: