Ավիավթար Չիլիում. Ինքնաթիռն ընկել է բնակելի տան վրա. զոհեր կան
Չիլիում ոչ մեծ ինքնաթիռն ընկել է բնակելի տան վրա, ինչի հետևանքով առնվազն 6 մարդ է մահացել: Ինչպես հաղորդում է 24 horas պարբերականը, դեպքը տեղի է ունեցել Պուերտո Մոնտ քաղաքում: Նախնական տվյալներով՝ զոհվածները գտնվել են ինքնաթիռում՝ մեկ օդաչու և 5 ուղևոր, թեև օդանավում գտնված անձնանց թիվը հստակ հայտնի չէ:
Վթարի վայրում հրդեհ է բռնկվել, որը տարածվել է հարակից շինության վրա: Ավելի ուշ հայտնի է դարձել, որ 50-ամյա մի կին է տուժել միջադեպի հետևանքով: Նա գտնվել է շինության մոտակայքում:
