«Հիսուսի Մանուկներ» կենտրոնից ահազանգ՝ մինչև 18 տարեկան 3 աղջիկ է հղիացել
Ոստիկանության Բաղրամյանի բաժնի հետաքննչական բաժանմույնքում նյութեր են նախապատրաստվում ապրիլի 9-ին, ոստիկանության Բաղրամյանի բաժին «Քեվօրք և Անիթա Փակումեանների հիշատակի «Հիսուսի Մանուկներ» առողջության կենտրոն»-ից ստացված ահազանգի փաստով։ Այդ մասին հայտնում է shamshyan. com-ը։
Ըստ աղբյուրի՝ նշված կենտրոնից հայտնել են, որ 17-18 շաբաթական հղիությամբ իրենց մոտ է տեղափոխվել 17-ամյա Կ. Շ.-ն, 16-17 շաբաթական հղիությամբ՝ 18-ամյա Գ. Մ.-ն և 8-9 շաբաթական հղիությամբ՝ 17-ամյա Լ. Կ.-ն։
Աղբյուրը նաև նշում է, որ նշված անձինք Արմավիրի մարզի բնակիչներ են։
Փաստի առթիվ ոստիկանության Բաղրամյանի բաժնի հետաքննական բաժանմունքում նյութեր են նախապատրաստվում։
