ՊԵԿ-ը ստուգումներ է անցկացնում «Առինջ Մոլ»-ում
ՊԵԿ-ը առավոտյան 10:30-ից «Առինջ Մոլ» առևտրի կենտրոնում ստուգումներ է իրականացնում: ՊԵԿ-ի նման որոշումը պայմանավորված է ահազանգով՝ որի համաձայն տաղավարների վարձավճարները նախատեսվածից շատ են վերցնում, սակայն քիչ թիվ են ցույց տալիս:
«Առինջ Մոլ»-ի տնօրեն Սամվել Հակոբյանի խոսքով՝ վարձավճարների հետ կապված ահազանգը իրականության հետ կապ չունի և ոչ-ոք չի կարող նման բան ապացուցել:
Աշխատակիցները դժգոհում են,որ ստիպված են եղել փակել իրենց տաղավարները, մինչդեռ ամեն ժամը կարևոր է նրանց ՝օրվա հացը վաստակելու համար:
Armday. am-ի հետ զրույցում Աժ պատգամավոր Գևորգ Պետրոսյանը նշել է, որ Փաշինյանին, հավանաբար ճիշտի ինֆորմացիա չեն փոխանցում:
«Այդ ի՞նչ է կատարվել «Առինջ Մոլ»ում, հանցագործնե՞ր են, ահաբեկիչնե՞ր են ինչ են, որ քառասուն հոգով մտել համազգեստներով մտել ստուգումներ են իրականացնում:Այստեղ իրենց օրվա հացը վաստակող մարդիկ են, որևէ մարդ այստեղ ապօրինություններով չի զբաղվում, այնպիսի տպավորություն է, որ նախկին բարքերը շարունակվում են:
ՊԵԿ-ն ավելի լավ է որսա այս երկրի իրական թալանչիներին»,-լրատվականի հետ զրույցում ասել է նա:
Մանրամասները՝ տեսանյութում։
