«Չի կարելի մի քանի տխմարի գրածով գալ ստուգումների»,- այս մասին քիչ առաջ լրագորղների հետ զրույցում ասաց «Առինջ մոլ»-ի տնօրեն Սամվել Հակոբյանը: Պարոն Հակոբյանը նշեց, որ ինքն անպայման ճշտելու է, թե ով է բողոք գրողը «Եթե մեր շուկան ինչ-որ մարդկանց խանգարում է, դա էլ կիմանանք, թե ում է խանգարում: Ես մինչեւ վերջ ճշտելու եմ, թե ով է մեր վրա բողոք գրել: Բողոքել են, որ վարձավճարները շատ եմ վերցնում, քիչ եմ ցույց տալիս: Այդպիսի բան չկա»,- նշեց նա։ Հիշեցնենք՝ այսօր առավոտից ՊԵԿ-ի մի քանի տասնյակ աշխատակիցներ ստուգումներ են սկսել «Առինջ մոլ»-ում: