Մեղադրանքներ են հնչեցնում, որ 4-ամյա դստերս ծառայողական մեքենայով վերցրել եմ ճանապարհից. Լոռու մարզպետ
Լոռու մարզպետ Անդրեյ Ղուկասյանը ֆեյսբուքյան իր էջում գրել է. «Հարգելի ֆեյսբուքցինեʹր, երեկվանից Լոռու նախկին մարզպետի թիմը ներկայացնող անհատներից մեկը ֆեյսբուքում ակտիվորեն շրջանառում է այս լուսանկարը, մեղադրանքներ հնչեցնելով ծառայողական մեքենայով տունդարձի ճանապարհին երեխայիս վերցնելու հանգամանքի կապակցությամբ: Ուրախ եմ, որ քաղաքական այլ թևի ներկայացուցիչն այսչափ մտահոգ է պետական միջոցների նպատակային ծախսման հարցում: Պետք է սակայն հիասթափեցնեմ. լուսանկարում պատկերվածն իմ մշտական տուն-մարզպետարան տանող ճանապարհն է և 4-ամյա դստերս ճանապարհից վերցնելը որևէ կերպ չի ազդել մարզային բյուջեի միջոցների վրա:
Լավ եղեք»:
