ԵՊՀ ուսանողը մեքենայով բախվել է ծառին. Նա հոսպիտալացվել է
Այսօր՝ մարտի 24-ին, խոշոր ավտովթար է տեղի ունեցել Երևանում. հայտնում է Shamshyan. com-ը:
Ժամը 18:30-ի սահմաններում Երևանի բնակիչ 27-ամյա Գառնիկ Մկրտչյանը Volkswagen Golf մակնիշի ավտոմեքենայով Թամանցիների փողոցում դուրս է եկել ճանապարհի երթևեկելի գոտուց, բախվել հաստաբուն ծառին, այնուհետև թիվ 52 հասցեի շինության պատին:
Վթարի հետևանքով վարորդը մարմնական վնասվածքներով տեղափոխվել է «Էրեբունի» բժշկական կենտրոն: Վիրավորին առաջինը օգնության են հասել ՀՀ ՊՆ Ռազմական ոստիկանության ծառայողներն ու քաղաքացիները:
Ըստ աղբյուրի՝ վարորդը սովորում Երևանի պետական համալսարանի պատմության ֆակուլտետի մագիստրատուրայում:
