Հայաստանում թվային առողջապահություն կներդրվի. Նախարար
ՀՀ առողջապահության նախարար Արսեն Թորոսյանը տեղեկություններ է հաղորդել Հայաստանում թվային առողջապահության զարգացման գործընթացում ընթացող աշխատանքներից: Նա հայտնել է, որ այս պահին քննարկումներ են ընթանում համակարգի ներդրման հարցերի շուրջ:
«WHISE Embleema միջազգային կոնսորցիումի պատասխանատուներ Ալեքսիս Նորմանդի և Վահան Սիմոնյանի հետ քննարկեցինք Հայաստանում թվային առողջապահության զարգացման հեռանկարները։ Նրանք ինձ տեղեկացրին, որ արդեն սկսել են WHISE Armenia հիմնադրամի գրանցման աշխատանքները, որը պետք է զբաղվի տվյալների թվայնացմամբ, մշակմամբ, ագրեգացմամբ, դեպի Հայաստան կլինիկական հետազոտությունների ներգրավմամբ»,- մասնավորապես գրել է Արսեն Թորոսյանը:
