Յուլյա Նաչալովայի դուստրը, հնարավոր է, մոր պարտքերը ժառանգի
Ռուս երգչուհի Յուլյա Նաչալովան մահվանից հետո պարտքեր է թողել: Ինչպես հայտնել է՝ իրավաբան Մաքսիմ Սուրովը, երգչուհու՝ ընդհանուր թվով 20 միլիոն ռուբլի պարտքը, հնարավոր է, անցնի դստերը:
Советский спорт հանդեսի հաղորդմամբ՝ իրավաբանը ասել է, որ Յուլյայի մահից հետո դուստրը կժառանգի մոր բնակարանը, որի պատճառով մայրը դատական քաշքշուկների մեջ էր նախկին ամուսնու՝ հոքեյիստ Ալեքսանդր Ֆրոլովի հետ։
Նաչալովան նաեւ բնակմակերես է ստացել իր երեխայի հորից՝ ֆուտբոլիստ Եվգենի Ալդոնինից, որի հետ վեց տարի ամուսնացած է եղել։ Հոքեյիստը քսան միլիոն ռուբլի է վճարել որպես փոխհատուցում բնակարանի կեսի դիմաց։ Սակայն ապահարզանից հետո Նաչալովան հայտարարել է, որ ոչ մի գումար էլ չի ստացել Ֆրոլովից։ Ի պատասխան այս հայտարարության, Ֆրոլովը դատի է տվել Նաչալովային։
Նշենք, որ կապված երգչուհու մահվան հետ, հայտարարվել էր, որ նրանց դատական քաշքշուկները կասեցվելու են։
