Մարտի 19-ին, ժամը 15:25-ին «911» ծառայությանն ահազանգ է ստացվել, որ Շիրակի մարզի Գյումրի քաղաքի հիվանդանոցի մոտակայքում (երկաթգծի մոտ) այրվում է ավտոմեքենա: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Պարզվել է, որ հրդեհը բռնկվել է Ղանդիլյան փողոցի տնակներից մեկի մոտակայքում կայանած «ՈՒԱԶ» մակնիշի ավտոմեքենայում: Հրդեհը մեկուսացվել է ժամը 15:37-ին, մարվել՝ 15:47-ին: Այրվել են ավտոմեքենայի սրահն ու խցիկը։ Հրդեհի հետևանքով տուժածներ չկան: Իսկ ժամը 14:15-ին «911» ծառայությանն ահազանգ է ստացվել, որ Երևան քաղաքի Գայի պողոտայում այրվում է ավտոմեքենա: Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ: Հրդեհը մեկուսացվել է ժամը 14:24-ին, մարվել՝ 14:34-ին: Ամբողջությամբ այրվել է «BMW-318» մակնիշի ավտոմեքենայի շարժիչի հատվածը: Հրդեհի հետևանքով տուժածներ չկան: