Ցույցեր Փարիզում. Կա ավելի քան 120 ձերբակալված
Ֆրանսիայի մայրաքաղաք Փարիզում հակակառավարական ցույցերի հետևանքով ձերբակալվածների թիվը անցել է 120-ը:
Քաղաքապետ Անն Իդալգոն քննադատել է «Ելիսեյան դաշտերում տեղի ունեցած անթույլատրելի գործողությունները»: Նա բոլորին հանդարտության և պատասխանատվության կոչեր է արել:
Ինչպես արդեն հայտնել էինք, Ֆրանսիայի մայրաքաղաքում վերսկսվել են «դեղին անթև բաճկոնների» բողոքի ցույցերը։ «Դեղին անթև բաճկոնները» սկսել են բարիկադներ կառուցել Փարիզի կենտրոնում։ Ոմանք փորձել են հարձակվել ոստիկանական մեքենայի վրա։ Բողոքի ցույցի մասնակիցները հարձակվում են խանութների վրա, շշեր նետում ոստիկանների ուղղությամբ։
Մետրոյի որոշ կայարաններ փակ են։ Ոստիկաններն աշխատում են ուժեղացված ռեժիմով։
