Սրճարանների ապամոնտաժման դեմ ակցիա անող ցուցարարներից 2-ի դեպքով նյութեր են նախապատրաստվում, Թերթ
Օպերային հարակից տարածքների սրճարանների դեմ բողոքի ակցիայի մասնակից 19 քաղաքացիներից ոստիկանություն բերման ենթարկվածների 17-ի նկատմամբ վարչական իրավախախտման վերաբերյալ արձանագրություն է կազմվել, երկուսի դեպքում նյութեր են նախապատրաստվում:
Tert. am-ի հետ զրույցում ՀՀ գլխավոր դատախազության հանրային կապերի բաժնի պետ Արևիկ Խաչատրյանն ասաց, որ ՀՀ ոստիկանության Կենտրոնի բաժնում 2 դեպքով նախապատրաստվում են նյութեր գույքը դիտավորությամբ վնասելու և իշխանության ներկայացուցչի նկատմամբ բռնություն գործադրելու առթիվ։
Հիշեցնենք, որ այսօր Երևանի քաղաքապետարանը վերսկսել էր Օպերայի հարակից տարածքի սրճարանների ապամոնտաժումը: Այդ սրճարանների աշխատակիցները բողոքի ակցիա էին կազմակերպել, փակել էին Մաշտոցի պողոտան, ոստիկանության և ցուցարարների միջև քաշքշուկ էր տեղի ունեցել:
