![ԼՈՒՍԱՆԿԱՐ․ Կինը կամավոր հանձնել է մեծ քանակությամբ ապօրինի զենք-զինամթերք](https://auroranews.am/storage/img/base_image/old/f2bd83639c411ffa19ad7dbf252677a1.webp)
ԼՈՒՍԱՆԿԱՐ․ Կինը կամավոր հանձնել է մեծ քանակությամբ ապօրինի զենք-զինամթերք
![ԼՈՒՍԱՆԿԱՐ․ Կինը կամավոր հանձնել է մեծ քանակությամբ ապօրինի զենք-զինամթերք](https://auroranews.am/storage/img/base_image/old/f2bd83639c411ffa19ad7dbf252677a1.webp)
Հանցագործությունների կանխման ու խափանման միջոցառումների շրջանակներում ոստիկանության տարածքային ստորաբաժանումների ծառայողները բնակչության հետ ամենօրյա բացատրական աշխատանք են իրականացնում ապօրինի պահվող զենք-զինամթերքի կամավոր հանձնման ուղղությամբ։ Մարտի 13-ի գիշերը ոստիկանության Քանաքեռ-Զեյթունի բաժնի քրեական հետախույզների, համայնքային ոստիկանների և վետերանների խորհրդի բացատրական աշխատանքի շնորհիվ մի կին կամավոր հանձնեց մեծ քանակությամբ ապօրինի զենք-զինամթերք։
Ըստ նրա՝ 7․62 մմ տրամաչափի 7 ինքնաձիգերը, «ՏՕԶ» և «Մոսին» տեսակի հրացանները, գնդացիրները, պայթուցիչներով 42 նռնակները, նռնականետը, մի քանի հարյուր տարբեր տրամաչափի փամփուշտները գտել է Կոտայքի մարզի Քարաշամբ գյուղի տներից մեկի խորդանոցում։ Տունը պատկանել է Արցախյան ազատամարտին մասնակցած եղբորը, որը մահացել է 2014 թվականին։
Զենք-զինամթերքը փաթեթավորվել և ուղարկվել է ոստիկանության փորձաքրեագիտական վարչություն։
Նշանակվել է դատաձգաբանական փորձաքննություն։
Ոստիկանության Քանաքեռ-Զեյթունի բաժնի հետաքննության բաժանմունքում նյութեր են նախապատրաստվում։