Երկրաշարժ` Լոս Անջելեսի արվարձանում
ԱՄՆ-ում Լոս Անջելեսի արվարձան համարվող Նորուոլք քաղաքի մոտ տեղի է ունեցել 3,1 մագնիտուդով երկրաշարժ: Այս մասին հայտնում է Gazeta. ru-ն` հղում տալով ԱՄՆ երկրաբանական ծառայությանը:
«Երկրաշարժի էպիկենտրոնը գտնվում է ավելի քան 12 կմ խորությամբ՝ Նորուոլք բնակավայրից 2 կմ հարավ-արեւմուտք»,- նշված է հաղորդագրության մեջ:
Ըստ նախնական տեղեկությունների` երկրաշարժի հետևանքով տուժածներ և ավերածություններ չկան:
