SHAMSHYAN. com-ի տեղեկություններով՝ փետրվարի 23-ին ատրճանակի նմանավող առարկայի գործադրմամբ դիմակավորված ավազակային հարձակում է տեղի ունեցել Երևանում: Ժամը 01:00-ի սահմաններում ոստիկանության Էրեբունու բաժին է դիմել Արարատի մարզում փաստացի բնակվող, 28-ամյա Նարինե Մ.-ն և հայտնել, որ նախորդ օրը, ժամը 22:40-ի սահմաններում Մովսես Խորենացի 2-րդ փակուղում 2 անհայտ անձինք դիմակավորված, ատրճանակի սպառնալիքի տակ իրենից հափշտակել են խոշոր չափի գումար (եվրո և դրամ) ու դիմել փախուստի: Գ. Շամշյանի տեղեկություններով՝ ավազակային հարձակման ենթարկված Նարինե Մ.-ն Ֆրանսիայի Հանրապետության քաղաքացի է: Լրատվամիջոցը հայտնում է, որ Երևանում իրավապահները հայտնաբերել են Վրաստանի Հանրապետության քաղաքացիներ՝ 19-ամյա Թաթուլ Պապոյանին և 20-ամյա Երջանիկ Ծառուկյանին։ Վերջիններս կասկածվում են նշված ավազակային հարձակումը կատարելու մեջ։ Գ. Շամշյանի տեղեկություններով՝ նրանք Ախալքալաքի բնակիչներ են։ Քիչ առաջ ոստիկանության Երևան քաղաքի վարչության ՊՊԾ գնդի 3-րդ հատուկ գումարտակի (կարմիր բերետներ) ծառայողները՝ դիմակավոված, նշված անձանց ձեռնաղշթայված վիճակում վաշտի հրամանատար Միքայել Այվազյանի գլխավորությամբ տեղափոխեցին ոստիկանության Էրեբունու բաժին, ովքեր ներկայացվելու են քննչական բաժին։