Աստրախանի մարզում զինված տղամարդը կրակոցներ է արձակել

Աստրախանի մարզի Բախթեմիր գյուղում տղամարդն ատրճանակից կրակ է բացել ոստիկանների ուղղությամբ, սակայն սպանվել պատասխան կրակոցներից:Այս մասին հաղորդում է РИА Новости-ն՝ վկայակոչելով մարզի տարածքում Ռուսաստանի Քննչական կոմիտեի քննչական վարչության ներկայացուցչին: Ըստ քննության տվյալների՝ փետրվարի 24-ին Բախթեմիր գյուղի մտահոգված բնակիչները հայտնել են ոստիկանությանը, որ գյուղում զինված տղամարդ է շրջում: «Զենքը հանձնելու բանակցությունների ընթացքում տղամարդը մի քանի կրակոց է արձակել ոստիկանների ուղղությամբ, սակայն պատասխան կրակոցներով սպանվել է»,-ասել է զրուցակիցը: Բերման ենթարկելու ընթացքում գլխի հրազենային վնասվածք է ստացել ոստիկանության օպերատիվ աշխատակիցը: