Դանակահարություն Երևանում. Տուժածն ու դանակահարողը նախկին դատապարտյալներ են
Այսօր՝ փետրվարի 23-ին, ոստիկանության Երեւան քաղաքի վարչություն է մեղայականով ներկայացել Երեւանի բնակիչ 28-ամյա Խաչատուր Խ.-ն:
Shamshyan. com-ի փոխանցմամբ, այսօր գիշերը՝ ժամը 02:00-ի սահմաններում, հիվանդանոցից ոստիկանության Արաբկիրի բաժին ահազանգ էր ստացվել, որ «կրծքավանդակի աջ կեսի կտրած-ծակած վերք արյունահոսությամբ» իրենց մոտ է տեղափոխվել մի քաղաքացի:
Ոստիկանները պարզել էին, որ վիրավորը Երեւանի բնակիչ 20-ամյա Ռուբեն Ն.-ն է, ով Արաբկիր վարչական շրջանի բնակիչ է, եւ հիվանդանոց է տեղափոխվել Փափազյան փողոցից:
Մինչ բժիշկները պայքարում էին նրա կյանքի համար, ոստիկանության ծառայողները պարզել էին, որ նրան սուր կտրող-ծակող առարկայով հարվածել է Խաչատուր Խ,-ն:
Աղբյուրի տեղեկություններով, քիչ առաջ վերջինս ոստիկանության Երեւան քաղաքի վարչության ծառայողների կողմից տեղափոխվել է ոստիկանության Արաբկիրի բաժին: Դանակահարվածն ու դանակահարողը նախկինում եղել են դատապարտված:
