ՙՏաքսի՚ ֆիլմի աստղ, ֆրանսիացի հայտնի դերասան Սամի Նասերին ժամանել է Հայաստան: Դերասանին ՙԶվարթնոց՚ օդանավակայանում դիմավորել են մի շարք լրագրողներ, որոնց ֆրանսիացի աստղը ողջունել է Շառլ Ազնավուրի La Boheme երգով: ՙՀայաստանի մասին շատ բան չգիտեմ, բայց ունեմ շատ հայ ընկերներ: Գիտեմ նաեւ, որ սա լեգենդար Շառլ Ազնավուրի հայրենիքն է՚,-նշել է դերասանը` հավելելով, որ վաղը` փետրվարի 24-ին, ներկա է գտնվելու MIX FIGHT 40 խառը մենամարտերի մրցաշարին: Հենց սա է դերասանի երեւանյան այցի նպատակը։ Ի դեպ, Սամիի հետ Հայաստան է ժամանել նաեւ նրա եղբայրը` դերասան Բիբի Նասերին, որը հայտնի է ՙ13-րդ թաղամասը՚ ֆիլմում իր դերով: NEWS am STYLE-ը եւս եղել է ՙԶվարթնոց՚ օդանավակայանում եւ լուսանկարել հայտնի դերասաններին: