Խոշոր ավտովթար է տեղի ունեցել Լոռու մարզում։ Երեկ՝ փետրվարի 21-ին, ժամը 20։30-ի սահմաններում Տաշիր քաղաքի Երևանյան փողոցում բախվել են Տաշիրի բնակիչներ՝ 42-ամյա Հրայր Մուրադյանի վարած Mirsubishi IO մակնիշի 34 OV 504 համարանիշի և 48-ամյա Արմեն Ալեքսանյանի վարած Mercedes մակնիշի 35 ZA 599 համարանիշի ավտոմեքենաները։ Այս մասին տեղեկանում ենք Shamshyan com-ից։ Ինչպես հայտնում է ֆոտոլրագրող Գագիկ Շամշյանը, վթարի հետևանքով Mercedes-ի ուղևորներ՝ Տաշիր քաղաքի Լենինի փողոցի բնակիչներ, 25-ամյա Մալվինա Դավոյանը, 46-ամյա Ժասմինա Բարաբաշը, 23-ամյա Վլադիմիր Դավոյանը և 44-ամյա Վաչագան Բարաբաշը մարմնական վնասվածքներով տեղափոխվել են «Տաշիր» բժշկական կենտրոն։ Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Դավիթ Գրիգորյանը տեղեկությունը փոխանցել է ոստիկանության Տաշիրի բաժին, որտեղից ժամանել է հերթապահ խումբը՝ համայնքային ոստիկանության բաժանմունքի տեսուչ Սուքիասյանի գլխավորությամբ։