Խոշոր ավտովթար Թբիլիսյան խճուղում. վիրավոր կա

Այսօր՝ փետրվարի 22-ին, խոշոր ավտովթար է տեղի ունեցել Երևանում: Ժամը 20:05-ի սահմաններում Թբիլիսյան խճուղում բախվել են Opel Astra մակնիշի 34 ՏP 660 համարանիշի և BMW-ն մակնիշի 35 VV 046 համարանիշի ավտոմեքենաները: Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով Opel-ի վարորդը մարմնական վնասվածքներով տեղափոխվել է Թիվ 1 համալսարանական հիվանդանոց: Բախման հետևանքով BMW-ն հայտնվել է հետիոտնի համար նախատեսված մայթին, ավտոմեքենաներն էլ վերածվել են մետաղե ջարդոնի: Փաստի առթիվ նյութեր են նախապատրաստվում: Մեքենաները տեղափոխվել են Երևանի ՃՈ պահպանվող հատուկ տարածք: Ոստիկանությունը պարզում է վարորդների ինքնությունը: