Խոշոր վթար Լոռիում. Lada Granta-ն հայտնվել է դաշտում՝ արմատախիլ անելով մի քանի ծառ

Լոռու մարզում, փետրվարի 20-ին, խոշոր ավտովթար է տեղի ունեցել. ժամը17։00-ի սահմաններում 22-ամյա Արթուր Ս.-ն իր վարած Lada Granta մակնիշի E 564 AV 136 RUS համարանիշի ավտոմեքենայով Մեծավան-Տաշիր ավտոճանապարհի 7-րդ կմ հատվածում դուրս է եկել հանդիպակաց երթեւեկելի գոտի, հայտնվել դաշտում՝ արմատախիլ անելով մի քանի ծառեր եւ բախվել ծառի։ Shamshyan.com-ի փոխանցմամբ, վթարի հետեւանքով վարորդն ու ուղեւորներ 23-ամյա Նարեկ Ս.-ն, 23-ամյա Ռոմիկ Թ.-ն եւ 23-ամյա Զորիկ Գ.-ն մարմնական վնասվածքներով տեղափոխվել են Տաշիրի բժշկական կենտրոն։