Արարատի մարզպետ Գարիկ Սարգսյանը Tert. am-ի հետ զրույցում հայտնել է, թե ինչպես են պարգևատրված քաղծառայողներն օգտագործել իրենց պարգևավճարները: Մարզպետը նշել է, որ այսօր արդեն օրենսդրական նախագիծ է մշակվում, թե ինչ սկզբունքով պարգևավճար ստանան քաղծառայողները։ Սարգսյանի խոսքով՝ զուտ տեխնիկական որոշ խնդիրների պատճառով էր 104.5 տոկոս պարգևավճար ստացվել, ինչը ուղղվել է։ «Մենք այդ 4.5 տոկոսները, ինչպես խոստացել էինք, ուղղել ենք բարեգործության, դեռ մի բան էլ այդ գումարից ավելի, բայց այդ մասին չենք բարձրաձայնել, քանի որ չենք ցանկացել այդ ընտանիքների, երեխաների ֆոնին մեզ համար PR անել»,- եզրափակել է Գարիկ Սարգսյանը։ Նա հայտնել է, որ ինչպես Նոր Կյանք համայնքի ղեկավար եղած ժամանակ, այդպես էլ հիմա իրեն պարտավոր է համարում պայքարել կոռուպցիայի դեմ։ «Չեմ պատրաստվում մեկ րոպե նույնիսկ նահանջել այս մտքից։ Մարզպետարանում էլ եղել են բացահայտումներ, կան հարուցված քրեական գործեր, նաև դատարանում այս պահին վիճարկվող գործեր։ Չեմ ցանկանում ծավալվել, բայց մենք շարունակելու են մեր բռնած ուղին, կոռուպցիան մեր երկրում պետք է արմատախիլ արվի, կոռուպցիոներները մեր երկրում այլևս չպետք է տեղ ունենան»,- ասաց նա։ Շարունակությունըՙ սկզբնաղբյուր կայքում: