Հայաստանի նման երկրները խաղաղության ու կայունության վերաբերյալ իրենց իդեալներն ու սկզբունքներն ունեն։ Այս մասին ասել է Կիպրոսի պաշտպանության նախարար Սավաս Անգելիդիսը՝ անդրադառնալով Հայաստանի կողմից Սիրիա հումանիտար խումբ ուղարկելու որոշմանը։ «Ես վստահ եմ, որ Հայաստանի նման երկրները խաղաղության ու կայունության վերաբերյալ իրենց իդեալներն ու սկզբունքներն ունեն, սա բավարար է, որ այս առաքելությունը Սիրիայում հաջողության հասնի՝ այդպիսիով նաև ազդակներ ուղարկելով հարևան երկրներին, որ մենք հոգ ենք տանում մեր ժողովրդի մասին։ Այս տեսակետից հարցի վերաբերյալ մենք ընդհանուր ընկալում ունենք, և դա թույլ կտա հետագայում ևս պաշտպանել Սիրիայում առաքելություն իրականացնելու Ձեր որոշումը»,- ասել է Կիպրոսի պաշտպանական գերատեսչության ղեկավարը: