Բաքվում չեն թույլատրել «Ղարաբաղը վերադարձնելու» պահանջով հանրահավաքի անցկացումը
Ադրբեջանի մայրաքաղաք Բաքվի քաղաքապետարանն արգելել է «վճռական միջոցների ընդունում գրավյալ տարածքների ազատագրման համար» պահանջով հանրահավաքի անցկացումը: Այս մասին գրում է «Թուրան» գործակալությունը
Հանրահավաքը կազմակերպել էր «Ղարաբաղ» հասարակական կոմիտեն: Այն նախատեսված էր անցկացնել փետրվարի 16-ին:
Քաղաքապետարանի որոշման մեջ ասվում է, որ «նախագահ Իլհամ Ալիևն անհրաժեշտ քայլեր է ձեռնարկում երկրի տարածքային ամբողջականության վերականգնման համար: Դա արվում է և՛ Ադրբեջանի ներսում, և՛ դրսում՝ ազգային շահերին համապատասխան»:
«Ղարաբաղ» հասարակական կոմիտեն Ադրբեջանում կազմավորվել է 2018 թվականին, այն 17 հասարակական կազմակերպություն է ներառում:
