Սերժ Սարգսյանը Քոչարյանի դեմ ծավալուն ցուցմո՞նք է տվել
«Դուք պատկերացնո՞ւմ եք՝ եթե ես սկսեմ մեկնաբանել, թե ինչից է տեղյակ եղել պարոն Սերժ Սարգսյանը»,- լրագրողների հետ զրույցում ասաց Ռ. Քոչարյանի պաշտպան Հայկ Ալումյանը՝ անդրադառնալով դիտարկմանը, ըստ որի՝ «Ժառանգության» նախկին պատգամավոր Անահիտ Բախշյանն ասել է, որ 2008-ի մարտի 1-ի երեկոյան Սերժ Սարգսյանը գիտեր, թե ինչ է եղել և ինչ է լինելու:
Հիշեցնենք՝ օրեր առաջ Սերժ Սարգսյանը վկայի կարգավիճակով հարցաքննվել է Մարտի 1-ի գործի շրջանակներում: ՀՔԾ-ն որևէ մեկնաբանություն այդպես էլ չտվեց դրա վերաբերյալ:
Ինչպես գրում է Irakanum am-ը՝ ասում են՝ Սերժ Սարգսյանը ծավալուն ցուցմունք է տվել Քոչարյանի դեմ ու չի բացառվում, որ հենց դա էլ ազդեց Վերաքննիչի այսօրվա որոշման վրա: Ալումյանի կտրուկ արձագանքը ևս վկայեց այդ մասին:
Ըստ լրատվամիջոցի՝ ՀՀ երրորդ նախագահ Սերժ Սարգսյանը երեկ կրկին ՀՀ հատուկ քննչական ծառայությունում է եղել: Սերժ Սարգսյանը հերթական անգամ հարցաքննվել է Մարտի մեկի գործի շրջանակներում։ Սարգսյանը սույն գործով վկայի կարգավիճակ ունի:
