Շշի Մելոյի «Պարտեզ» ռեստորանում կրակոցների գործով 2 անձի նկատմամբ հետախուզում է հայտարարվել
Աբովյան քաղաքի «Պարտեզ» ռեստորանի մոտ հունվարի 28–ի լույս 29–ի գիշերը տեղի ունեցած զինված միջադեպի գործով երկու անձի նկատմամբ հետախուզում է հայտարարվել։ Այս մասին NEWS. am–ին հայտնեցին ՀՀ քննչական կոմիտեից։
Գործի շրջանակներում մեղադրանք է առաջադրվել 7 անձի, որնցից 2–ի նկատմամբ որպես խափանման միջոց է ընտրվել կալանվորումը, եւս մեկ անձ էլ ունի կասկածյալի կարգավիճակ։
Լրատվամիջոցի տեղեկություններով՝ կալանավորվածներից մեկը Արթուր Վարդանյանն է, ում մեղադրանք է առաջադրվել սպանության փորձի և զենքի գործադրմամբ խուլիգանություն կատարելու համար։ Մյուս կալանավորվածը Վարդան Գրիգորյանն է, նա մեղադրվում է խմբի կազմում խուլիգանություն կատարելու համար։
IԳրիգորյանը, ըստ կայքի, Աբովյանում գտնվող վուլկանիզացիաներից մեկի աշխատակիցն է։ Ըստ գործի նյութերի՝ միջադեպի պատճառը վուլկանիզացիայում տեղի ունեցած վիճաբանությունն էր։ Նախնական վարկածի համաձայն՝ ԱԺ նախկին պատգամավոր, Շշի Մելո մականունով հայտնի Մալիք Մանուկյանի հարազատներն այցելել են վուլկանիզացիա, որտեղ հրաժարվել են նրանց սպասարկել իրենց հետ լավ տոնով չխոսելու, ապա նաեւ աշխատանքային ժամը ավարտվելու պատճառաբանությամբ։ Սկսված վիճաբանությունն ավելի ուշ շարունակվել է նախկին պատգամավորին պատկանող «Պարտեզ» ռեստորանի մոտ, որտեղ արդեն կողմերը գործի են դրել 4 տեսակի զենք։
Այսպիսով՝ ընդհանուր առմամբ գործով կասկածյալի եւ մեղադրյալի դատավարական կարգավիճակ ունի 10 անձ։
