Գավառում որոշ ընտրողները հայտարարում են, որ իրենք քվեաթերթիկներում «Նիկոլին են ման գալիս»: Լինում են նաև «քննարկումներով» ընտրություններ։ Այս մասին տեղեկանում ենք ArmVote Telegram ալիքից։ Հանձնաժողովի անդամների անփութության պատճառով մի ընտրողի քվեաթերթիկներ և ծրար տրվել էր երկու անգամ։ Ընտրողը քվեախցիկից դուրս եկավ մեկ ծրարը ձեռքին, մյուս ծրարն ու քվեաթերթիկները` անձնագրի մեջ դրած։ Մեր հարցից հետո, թե ինչ ավելորդ քվեաթերթիկներ են, հանձնաժողովի անդամները ու նախագահը նոր ուշադրություն դարձրին կատարվածին։ Ավելորդ քվեաթերթիկները ստուգվեցին ըստ համարների և դրվեցին տեղը։ Ընտրատեղամասում կային տեղական դիտորդներ «ՀՀԱ խումբ» և «Գորիսի մամուլի ակումբ» կազմակերպություններից։ Այս տարի ԿԸՀ- ն որոշել է «Ես քվեարկել եմ առաջին անգամ» մակագրությամբ կրծքանշաններ բաժանել առաջին անգամ ընտրություն կատարողներին՝ նրանց համար ընտրությունն ավելի հիշարժան դարձնելու համար։