11:00 Լուրերը մեկ տողով. Իսպանիան կիսաեզրափակչում է, Թրամփը սպառնում է Իրանին, Կիևը կրկին հարձակման տակ

Անցած ժամվա լուրերը՝ հակիրճ և բովանդակային.

· Իսպանիայի հավաքականը 2։1 հաշվով հաղթեց Բելգիային և դուրս եկավ ԱԱ-2026-ի կիսաեզրափակիչ, որտեղ կհանդիպի Ֆրանսիային։

· Լոռու մարզում քննարկվել է Վանաձոր և Փամբակ համայնքների միավորման նախագիծը՝ 22 բնակավայր ընդգրկող մեկ խոշորացված համայնք ձևավորելու նպատակով։ 

· «Ուժեղ Հայաստան» կուսակցության ներկայացուցիչ Նարեկ Կարապետյանը հայտարարել է, որ կուսակցությունը շարունակում է այցելել համայնքներ և իրականացնելնախընտրական խոստացված ծրագրերը։ 

· Դոնալդ Թրամփը հայտարարել է, որ Իրանի կողմից իր դեմ մահափորձի դեպքում ԱՄՆ-ն կկիրառի կործանարար ռազմական պատասխան։ 

· Իրանի ԱԳ նախարար Աբբաս Արաղչին մեղադրել է ԱՄՆ-ին ստանձնած պարտավորությունները խախտելու և համաձայնությունները չկատարելու մեջ։ 

· Կիևի վրա հերթական գիշերային հարձակման հետևանքով տուժել է 10 մարդ, վնասվել են շենքեր և ենթակառուցվածքներ։ 

· Reuters-ի փոխանցմամբ՝ Patriot հրթիռների արտադրության վերաբերյալ Թրամփի խոստումը կարևոր քաղաքական աջակցություն է Ուկրաինային, սակայն արտադրությունը կարող է ուշանալ առնվազն մեկ տարով։ 

· Եվրամիությունում ժամանակավոր պաշտպանության կարգավիճակ ունեցող ուկրաինացի փախստականների թիվը մայիսի վերջին կրկին աճել է՝ հասնելով 4,38 միլիոնի։