ԱՄՆ-ի անսպասելի հայտարարությունը՝ Զելենսկու՝ Պուտինին ուղղված նամակի վերաբերյալ

Ուկրաինայի նախագահ Վլադիմիր Զելենսկին հույս ուներ գրավել Սպիտակ տան նախագահ Դոնալդ Թրամփի ուշադրությունը Ռուսաստանի նախագահ Վլադիմիր Պուտինին ուղղված իր ուղերձով, հաղորդում է The New York Times-ը։

«Թեև բաց նամակը հասցեագրված էր Պուտինին, ըստ ամենայնի այն նախատեսված էր նաև Թրամփի համար։ Եվ պարզ չէ՝ արդյոք այդ դիմումը նպատակ ուներ խթանել բանակցությունները, թե վարկաբեկել հնարավոր գործընկերոջը», - նշվում է հրապարակման մեջ։ 

Հոդվածում բերվում են Զելենսկու խոսքերը, ըստ որոնց նա պատրաստ է Պուտինի հետ ուղիղ երկխոսության՝ Թրամփի վարչակազմի բանակցային գործընթացից դուրս։ 

Երեկ Ուկրաինայի նախագահ Վլադիմիր Զելենսկին ղեկավարը իր կայքում հրապարակել էր նամակ, որում առաջարկել էր Վլադիմիր Պուտինին ավարտել հակամարտությունը։ 

Կրեմլում հայտարարել են, որ տեսել են փաստաթուղթը, սակայն նախագահը դեռ չի հասցրել ծանոթանալ դրան։ Մամուլի քարտուղար Դմիտրի Պեսկովը հիշեցրել է, որ պետության ղեկավարը բազմիցս հայտնել է ցանկացած պահին Ռուսաստանի մայրաքաղաքում հանդիպելու պատրաստակամության մասին։ 

Նախօրեին ՊՄՏՀ-ի շրջանակում միջազգային տեղեկատվական գործակալությունների ղեկավարների հետ հանդիպման ժամանակ Պուտինը հիշեցրել էր, որ ուղիղ երկու տարի առաջ ավարտվել են Զելենսկու՝ որպես նախագահի լիազորությունները, և Մոսկվան կարող է փաստաթղթեր ստորագրել բացառապես լեգիտիմ անձանց հետ։