Մնում է գլխավոր շարժիչ ուժերից մեկը. Մհեր Գրիգորյանի հայտարարությունը ԵԱՏՄ նիստին

Ապրանքների և ծառայությունների առևտրի ազատականացումը մնում է Եվրասիական տնտեսական միության (ԵԱՏՄ) շրջանակներում տնտեսական ինտեգրման խորացման գլխավոր շարժիչ ուժերից մեկը։ Նման կարծիք է հայտնել ՀՀ փոխվարչապետ Մհեր Գրիգորյանը, հաղորդում է ՏԱՍՍ-ը:

«Ապրանքների և ծառայությունների առևտրի ազատականացումը մնում է ԵԱՏՄ շրջանակներում տնտեսական ինտեգրման խորացման գլխավոր շարժիչ ուժերից մեկը։ Միևնույն ժամանակ, ազգային կարգավորման առանձին ասպեկտներ դեռևս պահանջում են ավելի գործնական համաձայնեցում, ինչն իր հերթին լրացուցիչ հնարավորություններ կստեղծի ԵԱՏՄ անդամ պետությունների փոխգործակցության ամրապնդման, վերպետական մեխանիզմների կանխատեսելիության ու թափանցիկության բարձրացման, ինչպես նաև բիզնեսի համար առավել նպաստավոր պայմանների ձևավորման համար»,- ասել է Գրիգորյանը Աստանայում ընդլայնված կազմով Եվրասիական տնտեսական բարձրագույն խորհրդի նիստում։