Զախարովան խոսել է Փաշինյանի մասին

Հայաստանի վարչապետ Նիկոլ Փաշինյանը, երևի թե, կիսում է քաղաքացիների կյանքը վատթարացնելու վերաբերյալ Բրյուսելի դրույթները, քանի որ իրեն ասոցացնում է Եվրամիության և բրյուսելյան բյուրոկրատիայի հետ, հայտարարել է Ռուսաստանի Դաշնության արտաքին գործերի նախարարության պաշտոնական ներկայացուցիչ Մարիա Զախարովան։ 

«Իսկ դուք հիշո՞ւմ եք, որ բրյուսելյան բյուրոկրատիայի հիմնական, դե ինչպես հիմա հասկանում ենք՝ գործնական խնդիրը կայանում է նրանում, որ իրենց երկրների, իրենց միավորման երկրների քաղաքացիներն ապրեն ավելի վատ, այլ ոչ թե ավելի լավ։ Դե, եթե Նիկոլ Վովայի Փաշինյանն իրեն ասոցացնում է հենց բրյուսելյան բյուրոկրատիայի հետ, հավանաբար նա ընկալում է նաև այդ այսպես կոչված դրույթները»,- ասել է նա:

Ինչպես ընդգծել է Զախարովան, ի տարբերություն Եվրամիության, Եվրասիական տնտեսական միությունում համագործակցությունը քաղաքականացված չէ, այն կառուցվում է հարգանքի ու իրավահավասարության հիման վրա, ազատ շուկայի, ազնիվ մրցակցության և օրինականության սկզբունքներով։