ԵԱՏՄ առաջնորդները նեղ կազմով Հայաստանի հետ կապված քննարկում կունենան. Ուշակով

Աստանայում ԵԱՏՄ առաջնորդները նեղ կազմով կքննարկեն Հայաստանի՝ ԵՄ-ին անդամակցելու ծրագիրը, կգնահատեն դրա հետ կապված առաջացող ռիսկերը, հայտնել է Ռուսաստանի նախագահի օգնական Յուրի Ուշակովը։

«Նշեմ, որ ակնհայտ է՝ նեղ կազմով նիստում առաջնորդները օրակարգից դուրս կքննարկեն մի հարց, որը վերաբերում է Հայաստանի Հանրապետության՝ Եվրոպական միությանը անդամակցելու ծրագրերին։ Իհարկե, կտրվի գնահատական այս կապակցությամբ ԵԱՏՄ անդամ պետությունների տնտեսական անվտանգության համար առաջացող ռիսկերին», - ասել է Ուշակովը։

Ուշակովը նաև հավելել է, որ. «Եվրասիական ինտեգրման շնորհիվ Հայաստանն արդեն հինգ տարի անընդմեջ ցուցադրում է, ես կասեի, տպավորիչ աճի տեմպեր։ 2022 թվականին ՀՆԱ-ն աճել է 12,6%-ով, 2023 թվականին՝ 8,7%-ով, 2024 թվականին՝ 5,9%-ով և 2025 թվականին՝ 7,2%-ով»: