Ռուսաստանի ԱԳՆ-ից նշել են իրենց պայմանը

Ուկրաինայում ճգնաժամի երկարաժամկետ կարգավորման նպատակով երկիրը պետք է վերադառնա 1990-ական թվականների սկզբի դիրքերին, հայտնել է Ռուսաստանի ԱԳՆ ԱՊՀ երկրների երկրորդ դեպարտամենտի տնօրեն Ալեքսեյ Պոլիշչուկը ՌԻԱ Նովոստիին։

Ալեքսեյ Պոլիշչուկը նշել է, որ արդար, կայուն ու համապարփակ կարգավորման հասնելը հնարավոր է բացառապես հակամարտության հիմնարար պատճառների վերացմամբ։ Ըստ նրա ձևակերպման՝ Ուկրաինայի համար անհրաժեշտ է վերադարձ կատարել սեփական պետականության 1990-ական թվականների սկզբի հիմքերին, այսինքն այն ժամանակաշրջանին, երբ միջազգային հանրության կողմից ճանաչվեց այդ երկրի անկախությունը։