Իրանի նոր պայմանը Վաշինգտոնին․ ուրանը՝ Չինաստանին

Իրանը պատրաստակամություն է հայտնել իր տարածքից դուրս բերել բարձր հարստացված ուրանը այն պայմանով, որ այն հանձնվի Չինաստանին, հաղորդում է «Al Hadath» հեռուստաալիքը՝ հղում անելով բարձրաստիճան աղբյուրներին։

Աղբյուրի տվյալներով՝ մինչև ԱՄՆ-ի հետ համաձայնագիր կնքելը, Իրանի իշխանությունները փորձում են երաշխիքներ ստանալ Չինաստանից։

Իրանական հարստացված ուրանի հարցի լուծման գործում դեր ստանձնելու պատրաստակամություն բազմիցս հայտնել է նաև Մոսկվան։ Սակայն, ինչպես նշել են Կրեմլում, ուրանի դուրսբերման վերաբերյալ Ռուսաստանի առաջարկը ամերիկյան կողմի կողմից պահանջված չի եղել։