ՏԵՍԱՆՅՈՒԹ. Եթե ղեկավարվեցինք ուրիշ երկրի նախընտրություններով, մեզ զոհելու են. Թաթոյան

 Հունիսի 7-ին մենք պետք է որոշենք, թե ինչ ենք ուզում մենք, ոչ թե ուրիշները։ Ես լինելու եմ Հայաստանի շահով առաջնորդվող ղեկավար: Այդ մասին գրել է  «Միասնության թևեր» քաղաքական նախաձեռնության համահիմնադիր, վարչապետի թեկնածու Արման Թաթոյանը՝ տարածելով տեսանյութ նախընտրական քարոզարշավից.

 «Սիրելի հայրենակիցներ, սիրելի գյումրեցիներ, եթե մենք հանկարծ նայեցինք, թե որ երկիրը ում է նախընտրում, ու գնացինք այդպես, մեր քվեն տվեցինք, եթե մենք նայեցինք, տեսնենք, թե, օրինակ, Մոսկվայի նախընտրածը ով է, Բաքվի նախընտրածը, Բրյուսելի նախընտրածը, Վաշինգտոնի նախընտրածը, մենք միշտ տուժելու ենք: Դրա համար մեզ պետք է ղեկավարվել մեր շահերով՝ հանուն մեր երկրի: Սա մեր երկիրն է, եթե մենք ղեկավարվեցինք ինչ-որ ուրիշ երկրի նախընտրություններով, մեզ անընդհատ զոհելու են ինչ-որ երկրներ իրենց շահերի համար, և դա բնական է, որովհետև այդ երկրները ունեն իրենց շահերը, իրենց մենք պետք է տեսնենք, թե որոնք են մեր շահերը»,– հավելել է նա:

Մանրամասները՝ տեսանյութում: