Արվում է միայն մեկ նպատակով. Լավրովը` Հայաստանի մասին

Հայաստանին փորձում են ներքաշել հակառուսական ճամբար՝ նպատակ ունենալով Ռուսաստանին «հնարավորինս ցավոտ» հարվածել, հայտարարել է ՌԴ արտաքին գործերի նախարար Սերգեյ Լավրովը։ 

«Արևմուտքը փորձում է տարանջատել մեր դաշնակիցներին՝ նախևառաջ սկսելով մեր հարևաններից, ինչպես դա արեց Վրաստանի, Մոլդովայի հետ, ինչպես հիմա դա անում է Ուկրաինայի հետ, և ինչպես հիմա փորձում են Հայաստանին ներքաշել նույն սխալ տրամաբանության մեջ», - ասել է Լավրովը՝ ելույթ ունենալով Արտաքին և պաշտպանական քաղաքականության խորհրդի վեհաժողովում։

Նախարարն ընդգծել է, որ այդ ամենն արվում է միայն մեկ նպատակով։

«Ռուսաստանին հնարավորինս ցավ պատճառել, եթե կուզեք՝ ավելի բարդացնել Ռուսաստանի՝ որպես իսկապես մեծ տերության և քաղաքակրթության պահպանման ու ամրապնդման խնդիրը», - ընդգծել է Լավրովը։