ՆԱՏՕ–ն Ռուսաստանի խորքերին կհարվածի. The Independent

 ՆԱՏՕ-ն Լոնդոնի մետրոյում անցկացված ռազմական զորավարժությունների ընթացքում մշակել է Ռուսաստանի խորքային տարածքներին հարված հասցնելու սցենար։

Ինչպես գրում է The Independent-ը, սցենարը ենթադրում էր «պատասխան Ռուսաստանի ներխուժմանը» բալթյան երկրներից մեկում։ Լոնդոնի մետրոյի լքված «Չարինգ Քրոս» կայարանը վերափոխվել էր ՆԱՏՕ-ի շտաբի, որտեղից իրականացվել է «զորքերի կառավարումը»։

 Պարբերականի աղբյուրների փոխանցմամբ՝ Մեծ Բրիտանիային կբավականացնի անօդաչու սարքերի պաշարը միայն մեկ շաբաթվա մարտական գործողությունների համար, եթե օրական օգտագործվեն մի քանի հարյուր դրոններ։ Նշվում է նաև, որ դաշինքն ընդհանուր առմամբ հետ է մնում դրանց մշակման և կիրառման ոլորտում։