Գազի գնի բարձրացում է սպասվում. Կառավարությանը փոխանցվել է տեղեկությունը. «Ժողովուրդ»

«Ժողովուրդ» օրաթերթի տեղեկություններով՝ գազի գնի վերանայման հարցը կրկին օրակարգում է. կառավարությանն «Գազպրոմ Արմենիա»-ից փոխանցվել է, որ առաջիկայում սպասվում է սակագնի վերանայում, հավանական է՝ թանկացում։

Թերթը գրում է, որ գազի սակագնի բարձրացման հայտը կարող է ուղարկվել Հանրային ծառայությունները կարգավորող հանձնաժողով։ Այս պահին պաշտոնական մակարդակով վերանայման մասին չի հայտարարվել, և թերթին չի հաջողվել ստանալ մեկնաբանություններ կառավարությունից ու «Գազպրոմ Արմենիա»-ից։