Thames Water-ը գործի է դրել արհեստական բանականությունը՝ «անտեսանելի» արտահոսքերը գտնելու համար

Thames Water ջրամատակարարող ընկերությունը սկսել է օգտագործել արհեստական բանականություն և արբանյակային տվյալներ՝ ջրի արտահոսքերը հայտնաբերելու համար։ Ընկերությունը նպատակ ունի կանխել օրական մինչև 100 միլիոն լիտր ջրի կորուստ։

Տեխնոլոգիան մշակվում է Origin Tech-ի հետ համագործակցությամբ։ Արբանյակները հետևում են հողի խոնավությանը և շարժումներին՝ հայտնաբերելով հնարավոր արտահոսքերը։ Մեծ Բրիտանիայում ջրի մոտ 19%-ը կորչում է մինչև սպառողներին հասնելը։

Համակարգը թույլ է տալիս ավելի արագ գտնել «անտեսանելի» արտահոսքերը՝ համեմատած սովորական ստուգումների հետ։ Փորձարկման ընթացքում հայտնաբերվել է մոտ 800 արտահոսք, ինչի շնորհիվ օրական խնայվել է շուրջ 8.7 միլիոն լիտր ջուր։