Մի մարդ կա՝ մինչև տարեվերջ բոմժ է դառնալու. Փաշինյան

Վարչապետ Նիկոլ Փաշինյանը քարոզարշավի ժամանակ նշել է, որ վերջին օրերին Հայաստանում քաղաքական կյանքը նմանվում է լրտեսական ֆիլմի։

Նիկոլ Փաշինյանը հայտարարել է. «Վերջին օրերին Հայաստանում քաղաքական կյանքը լրտեսական բլոկբաստեր է հիշեցնում։ Բլոկբաստերային կինոյի մեջ ենք ապրում։ Պարզվում է, որ ‹կալուգացի օլիգարխը› օտարերկրյա հատուկ ծառայության աշխատակից է։ Որ ասում էի՝ ժողովո՛ւրդ, մի մարդ կա՝ մինչև տարեվերջ բոմժ է դառնալու, շատերը չափազանցություն էին համարում»։

Կառավարության ղեկավարի պնդմամբ՝ այդ գործընթացը տեսանելի է լինելու։ «Պրոցեսն արագանում է, և հիմա միջազգային հետաքննող մամուլը տվյալ ապացույցն է հրապարակել։ Այդ մարդիկ չեն էլ հերքում»,- ընդգծել է նա։

Վարչապետի ձևակերպմամբ՝ «Այս ‹լրտեսական բլոկբաստերի› շրջանակում պատերազմի եռագլուխ կուսակցությունը կարելի է անվանել լրտեսական եռագլուխ կուսակցություն»։