Ինչպես է բնութագրել Թրամփը Չինաստանի նախագահին

ԱՄՆ նախագահ Դոնալդ Թրամփը Fox News-ի հարցազրույցում Չինաստանի առաջնորդ Սի Ցզինպինին ներկայացրել է որպես գործին կենտրոնացած և ջերմ անձնավորություն։

Սպիտակ տան ղեկավարի խոսքով՝ իր չինացի գործընկերը հակված է կոնկրետ ու արդյունավետ աշխատանքի։ Թրամփը նշել է, որ ՉԺՀ նախագահն ամբողջությամբ կենտրոնացած է գործի վրա։

«Իրականում ես նրան ջերմ մարդ եմ համարում, բայց միևնույն ժամանակ նա ամբողջությամբ կենտրոնացած է գործի վրա. նա անմիջապես անցնում է աշխատանքի, ոչ մի խաղ, ոչ մի խոսակցություն այն մասին, թե այսօր ինչ հրաշալի եղանակ է կամ՝ «օ՜, եկեք նայենք աստղերին, եկեք նայենք արևին»»,- ասել է նա։

Ավելի վաղ Դոնալդ Թրամփը գերազանց էր որակել Սի Ցզինպինի հետ իր բանակցությունները։ Միևնույն ժամանակ, ԱՄՆ նախագահը զերծ է մնացել մեկնաբանություններից այն հարցի վերաբերյալ, թե արդյոք քննարկվել է Թայվանի շուրջ ստեղծված իրավիճակը։