Բա ի՞նչ էիք ուզում. Զախարովան հայտարարություն է տարածել

Ռուսաստանի ԱԳՆ պաշտոնական ներկայացուցիչ Մարիա Զախարովան հեգնանքով է մեկնաբանել Գերմանիայի կանցլեր Ֆրիդրիխ Մերցի խոստովանությունն այն մասին, որ ԱՄՆ նախագահ Դոնալդ Թրամփի հետ վիճելն անօգուտ է։

Ուրբաթ օրը Մերցը խոստովանել էր, որ Թրամփի հետ վիճելն իմաստ չունի, միաժամանակ նա առաջարկել էր հիշել նրանց օրինակները, ովքեր փորձել են բանավեճի մեջ մտնել ամերիկյան առաջնորդի հետ, և որպես օրինակ բերել էր Վլադիմիր Զելենսկուն, ում ամերիկյան առաջնորդը խստորեն քննադատել էր Սպիտակ տանը։

«Դ - դեմոկրատիա, Հ - համերաշխություն, դաշնակցություն, Ն - ՆԱՏՕ, բա ի՞նչէիք ուզում», - գրել է Զախարովան Telegram-ալիքում։